"КАТТА МИЛЛАТ – АФАНДИСИ ЙЎҚДИР ҲАТТО..."

Бир қарасам ҳар шевангда минг жилолар,

Ҳар новдангда, ҳар мевангда минг жилолар.

Қодирийлар, Чўлпонлару Абдуллолар,

Сенинг қайтган кунинг мен туғилган йилим,

Она тилим, эй муқаддас Она тилим.

Улуғ шоир Муҳаммад Юсуф қаламидан яралган бу сатрлар бугун мустақил Ўзбекистоннинг ҳарбир бурчагида тантанали равшда жаранг сочди. Бу шодиёнанинг замирида эса 30 йил аввал бунёд этилган биттагина ҳужжат мужассам – Ўзбек тилига давлат тили мақомини бериш тўғрисидаги Қонун. 1989 йил 21 октябрь...

 

Кўксини Қорақалпоқ адабиёти дарғаси ҳисобланур Бердақ бобомизнинг сўзлари безаб турган таълим даргоҳида бугун ушбу сана аъло даражада нишонланди. Олийгохнинг кутубхонасига қадам қўяр экансиз, университетнинг Чет тиллари факултети кашф этган ҳақиқий ўзбекона муҳитга кириб борасиз...

Тадбирни факултет декани Джавод Қурбанбаев кириш сўз билан очиб бериб, байрам муносабати билан барчани муборакбод этди. Ўзбек тили фани ўқитувчиси Назира Янгибаева бошчилигида тайёрлнган бир гуруҳ талабалар ўзларининг очилмаган қирраларини ушбу муносабат билан ўз иқтидорларини намоён этдилар.

30 ёшлик юбилей муносабати билан ташкил қилинган адабий кеча мароқли ўтиб, Чет тиллари факултети тарихида ёрқин хотиралар билан мухрланди.

Кимдир майда миллат бўлди, кимдир катта,

Катта миллат – Афандиси йўқдир хатто,

Биз пиёда, биз боққанлар юрди отда,

Зулм ўтса фақат сендан ўтди зулм,

Она тилим, кечир мени, она тилим.

Динора БЕГДУЛЛАЕВА

Бердақ номидаги Қорақалпоқ давлат университети

Чет тиллари факултети 1-босқич талабаси