ДИЛ ДАРДИ

Ҳали ахтарилмаган юрак тубида,

Сенга айтолмаган сирлар яширин.

Фақат Сени излар бу қалбим ҳар дам,

Айтмоғинг кутади сўзларинг ширин.

Ўша куни таҳририятга бормаганимда,

У ерда Ойгулни кўрмаганида,

Ундан рақамимни сўрмаганингда,

Балки биз яшардик нотаниш бўлиб,

Ўшанда мен рақамим бермаганимда.

Нима мақасад билан сўради мени,

Ўша дамдан бошланди ичимда ғов-ғув.

Фақат ташқаридан танирдиим Сени,

Ўша ондан қалбимда бўлдинг бир ёғду.

Қўл телефон жиринглади бир пайтда,

Дарҳол сездим, У қўнғироқ қиляпти.

Ўйланаман, нима дейман шу тобда,

Лек жавоб бердим мен, дил ҳаяжонда.

Билмадим, негадир тилим айланмас,

Журъатим етмади оғиз жуфтлашга...

Овозингни эшитган чоғим,

Юракда бир чўғ пайдо бўлди.

Ўртанажак бу кўнгил боғим,

Ниманггадир қалб шайдо бўлди.

Ўша кундан, ўша дамдан беъсўроқ,

Ғурур-ла кириб олдинг қалбим қасрига.

Ўзинг дилимдасан айирар фироқ,

Нечун ёнимдамас, бўласан йироқ.

Телбаларча севдим нега бу қадар,

Севги изтироби қийнар бунчалар.

Калб тори Севгилим, Сенга куй чалар,

Лек билмасман, Сени севгинг қанчалар.

Севги сўзларингга муштоқдир бугун,

Юрагим Сени истар, у Сенга ташна.

Гар дилимга йўл топсанг, ечилар тугун,

Агар ширин сўз айтсанг, олади баҳра.

Юрагим Сени эслаб уради ҳар он,

Мактубларингни кутиб, соғинган замон.

Қалбдаги соғинчим элтади ҳамон,

Эски мактубингни ўқимоқ томон.

Ўша мактубларинг ўқиган пайтим,

Эсга олиб, ларзага келади қалбим.

Қани энди ўша пайт келса эди қайтиб,

Юракдаги ишқ сурурин кучайтиб.

Деразадан термулиб ўтирибман уйда,

Ўтган, кетган, юрганларга кўчада.

Кўзларим йўлдадир, Сен ширин ўйда,

Ишонардим, келяпсан Сен ўша йўлда.

Сен бўлиб алпқомад, ботир шаҳзода,

Гўё эртакдагидек, оппоқ тулпорда,

Отдан тушиб, мени сўраб келасан,

Менинг биллур туфлигим олиб қўлингда...

Сўнгра Сен олдимда тиз чўкиб мағрур,

Оташин севгингни айлайсан изҳор.

Муҳаббатингга чпнқоқ бу юрак қурғур,

Ширин дил изҳоринг сўрайди такрор.

Солғинчдан сарғайдим, энди не қилай?,

Айтчи эслайсанми қачондир ҳам Сен?

Сенга бўлган ҳисларим қандайин айтай,

Аҳир уяламан, қиз боламан – Мен.      

Севги изтиробидан кетмадим нари,

Дардим адо бўлмас, гар бўлмасанг Сен.

Қанча ёниб-куйиб севганим сари,

Шунчалар-ки, азоб чекаябман Мен.

Мен Сизни севаман, севаман такрор,

Ширин сўзларингиз унутолмайман.

Мен Сизни севаман айтаман такрор,

Лек Мен буни Сизга айта олмайман.

ДамеСултан