Университетимизде япон тили сабақ ретинде жақыннан бери өтилип келинбекте. Студентлер тек ғана япон тилине емес, ал халқының мәдениятына да үлкен қызығыўшылық пенен қарайды. Пән оқытыўшысы Сәрбиназ Бердимуратова студентердиң бул қызығыўшылығын итибарға алып, оларды бир жағадан бас шығарып, бирге ислесиўге шақырды.
22-май күни Қарақалпақ мәмлекетлик университети академиялық лицейинде япон мәденияты байрамы 日本文化祭 болып өтти. Кешени университет Шет тиллери факультети деканы Джавод Курбанбаев ашып берип, бул байрамның ең биринши мәрте студентлер атқарыўында өткерилип атырғанын мақтаныш пенен айтып өтти.
Байрамда ҚМУ ҳәм НМПИ белсенди студентлери қатнасып, тил бойынша алған өз билимлерин лицей жасларына шеберлик пенен көрсетип берди. Қәбилетли студентлер тәрепинен япон тилинде ҳәрқыйлы қосық, аяқ ойын ҳәм сахналық көринислер инәм етилди. Өткерилген илаж журтымызда япон тили үйренилиўи ҳәм және де ен жайыўының басламасы болды.
Динора Бегдуллаева
ҚМУ, Шет тиллери факультети
Шет тили ҳәм әдебияты (инглис тили) бағдары
2-курс студенти
Комментариев нет:
Отправить комментарий