"HAQIQIY BAHOR SHAHRISABZDA BO'LADI"

         “Martda qishni sovug’i ketmagan bo’ladi. Moyda yozni nafasi kelib qoladi. Haqiqiy bahor aprelda bo’ladi. Haqiqiy bahor Shahrisabzda bo’ladi…

Bugungi tadbirning tub mohiyatida, poydevorida turgan inson bitta – Shavkat Mirziyoyev. U kishi adabiyotimizga katta e’tibor qaratyabdi. Nima uchun sizlarni avtobuslarda olib borib, yo’l xodimlari tomonidan yo’llar ochib berilyabdi? Sizlarning yo’lingiz ochiq bo’lsin, deyabdi. Yurtboshimiz ijodkorlarimizning yo’li to’silmasin deb, barcha yo’llarni ochib, imkoniyatlarni yaratib beryabdilar” – deya ta’kidladi taniqli yozuvchi, adabiyotshunos olim va jurnalist Xurshid Do’stmuhammad.

                         

U kishining so’zlari va ijodkorlarga bildirgan katta ishonchi yoshlarga cheksiz ilhom bag’sh etdi va festivalni haqiqiy ijod olamiga aylantirdi.

                                           

                                        

Ulug’ sohibqiron bobomiz Amir Temur haykali qad ko’targan Oqsaroy maydoni va “Beruniy” oromgohi yosh ijodkorlarga chinakam ijodiy muhit vazifasini bajardi.       

                                         

6 yo’nalish: nasr, nazm, publisistika, dramaturgiya, badiiy tarjima va tasviriy san’at bo’yicha bahor ilhomlari ufurib turgan ijodiy asarlar festivalning mahsuli bo’ldi.

-Ijod sehri ila yaralgan asarlarimizni tarannum etganimizda ustozlarimiz o’z saboq va maslahatlarini berishib, haqiqiy ijod maktabini kashf etib berdi. Festival ijod faoliyatimizni yanada sayqallab, qalamimizning o’tkirlashishi va do’stlar orttirishimizga zamin yaratdi. Ijod maydonimizda joylashgan ko’hna imoratlar esa, tariximizga bo’lgan iftixor tuyg’usini uyg’otib, qalam tebratishga undadi. Hardoim yosh ijodkorlarni qo’llab-quvvatlaydigan Respublika Yosh Ijodkorlar Kengashiga o’zimizning cheksiz minnatdorchiligimizni izhor qila turib, adabiyotimiz ertasi bo’lgan yoshlarga Ibrayim Yusupov va Abdulla Oripovdek ijodiy muvaffaqiyatlar tilab qolamiz, - deydi festival ishtirokchilari bo’lgan bir qator qoraqalpog’istonlik yoshlar.

Butun O’zbekistonning ijodkor yoshlarini o’zida jam qilgan bu festival haqiqatan Shahrisabz dalalaridagi “O’zbekiston bahori” bo’lib oltin qalamlar ila ijodiyot tarixi zarvaraqlarida muhrlanadi.

                            

Dinora BEGDULLAYEVA

Respublika yoshlar markazi

Qoraqalpog’iston bo’limi

 yonida tashkil etilgan

“Yosh jurnalistlar”

klubi a’zosi