Беш йил олдин 23 январь куни Бердақ
номидаги қорақалпоқ давлат университетининг журналистика таълим соҳасида ўқиб
юрган, журналистикага чин кўнгилдан ихлос қўйиб, уни ёшлар орасида кўпроқ
тарғиб қилишни ўз олдиларига мақсад қилган Фурқат Юсупов, Ҳурлиман Нуржанова ва
Гулжаҳан Сейтназарова каби ёшлар университетда ўқиб юришган даврида-ёқ «Ёш
журналистлар» клубига асос солган эди. Бора-бора журналистикага қизиқувчи
ёшларни ўз ичига қамраб олган бу клуб ривожлана бошлади. Кейинчалик клубнинг
номи «Ёш репортёрлар» деб ўзгартирилди. Мана, бугун Қорақалпоғистон
Республикасига намоён бўлаётган, ёш журналистларни ўзида жамлаган ажойиб
муҳитга айланди.
Шу муносабат билан Ёшлар марказида ушбу
клуб асосчилари ва ёш репортёрлар билан биргаликда семинар бўлиб ўтди. Ҳурлиман
Нуржанова ва Гулжаҳан Сейтназаровалар журналистиканинг барча йўналишлари бўйича
ўз билганларини ўргатиб, мастер-класс ташкил қилдилар. Шуниннгдек, Бердақ
номидаги қорақалпоқ давлат университетининг магистранти, клубнинг фаол аъзоси
Сарбиназ Турешова ҳам ёшларга ўз билим кўнликмаларини ўргатиб, бир канча интерфаол ўйинларни ўтказдилар. Ҳозирда клуб аъзолари матбуот, блог, facebook ва интернет сайтларида ўз
фаолиятини олиб бормоқда. Ёш репортёрларнинг тиниб-тинчимаслиги, саъй
ҳаракатлари ва ҳақиқий қобилиятлари бугун ўз натижаларини кўрсатмоқда.
Яқинда гина клуимиз аъзоларидан
бири Бауиржан Ботабаев МИТ.уз танловида ғолиб бўлган бўлса, яна бир фаол
блогеримиз Шуҳрат Саидаҳмадов Ўзбекистон ёшлар иттифоқи Қорақалпоғистон
Республикаси Кенгаши «Хошамет-2017» мукофотининг «Энг яхши интернет блогери»
номинацияси бўйича ғолибликни қўлга киритди.
Клубимизнинг ҳар бир аъзоси юртимиз
журналистикаси ривожланишига ўзларининг салмоқли ҳиссаларини қўшиш мақсадида
кўпироқ изланишда бўлиб, бундан да опрератив бўлишга ҳаракат қилмоқдалар.
Бугун беш ёшни қарши олаётган «Ёш
репортёрлар» клубига келажакда бундан да катта натижаларга эришиб, юртимиз
равнақи йўлида жон куйдириб яшашида катта куч-ғайрат тилаб қоламиз.
Динора БЕГДУЛЛАЕВА
Ўзбекистон ёшлар
иттифоқи
Қорақалпоғистон Республикаси Кенгаши
«Ёш репортёрлар»
клуби аъзоси
Комментариев нет:
Отправить комментарий