PREZIDENT ATA

(Ózbekistan Respublikası birinshi prezidenti

Islam Karimov esteligine)

Eldiń tiykarshısı ullı, márt insan,

Sherek ásir ishinde bul jurt gúllendi,

Onıń mártligine bas iyer jáhán.

Ózbekistan atı belgili endi.

Sizge tájim etemiz, Prezident ata!

Deymiz: «ruwxıńız shad bolsın bárha»

Aytqan sózlerińizdi altınǵa qaplap,

Uran etip aytar keleshek áwlad.

Hár kún, hár qádemde este boladı,

«Bul muqaddes watan – bárshemizdiki».

«Bizden azat xám abat watan qaladı»

«Ertengi kún biziki, shoqqı biziki».

Siziń miynetińiz eń ullı mártlik,

Altın miyrasıńız eń úlken baylıq.

Hár bir sózińizden alamız uǵıp,

Kámil insan bolıwdı, kitaplar oqıp.

Bir kúni Amerika, meyli Germaniya,

Jurtımız kúsh-ǵayratına tań qalar,

Sizdey ullı insan qurǵan bul jurttı,

Sózsiz, pútkil planeta tán alar.

 

Óytkeni, biz Watannıń júregi bolıp,

Birlesemiz, bir kúsh bolıp soǵamız.

Keleshek ushın oqıp, bilimge tolıp,

Joqarı mánawiyatlı áwlad bolamız.

Búgin qosıq jazdım, bolıp shayıra,

Hasla sheginbeymen, jasayman alǵa.

Bas iyedi aldıńızda bárhama,

Ózbekistan xalqı, Prezident ata!

 

Dinora BEGDULLAEVA

Qaraqalpaq ma’mleketlik universiteti

akademiyaliq liceyinin’ 2-basqish oqiwshisi