МУСТАҚИЛЛИГИМИЗ МЕЪМОРИ МАНГУ ЁДИМИЗДА

Дунёдан бир кетган одам,

Қайта айланиб келмас бўлар,

Яхши бўлиб ўтган одам,

Тирикларга тенгдош бўлар.

(Ибрайим  Юсупов)

Кеча ким эдик-у, бугун ким бўлдик?...

 Неча асрлар мобайнида тинчлик учун курашган, куни-туни яратгандан эркинлик сўраб, тинч ва фаровон замонни орзу қилиб яшаган ота-боболаримиз, Жалолиддин Мангуберди, сохибқирон Амир Темур каби улуғ сиймолар ва ватан-чун кўксини қалқон қилиб жангга кирган ботирлар асос солган давлат барпо этилди. Бу эл – Ер шарининг Евроосиё қитъаси, Осиё минтақасида жойлашган Ўрта Осиёнинг юраги хисобланур “Ўзбекистон” тупроғи эди.

Халқимиз бўйнига “Мустақиллик тумори”ни тақиб, Ўзбекистонни Совет давлати тузумидан энг биринчи бўлиб ажиратиб олган ва буйук давлатга асос солган улуғ инсон бу Биринчи Президентимиз – Ислом Каримовдир. У 1989 йил 23-июнда Ўзбекистон Компартияси Марказий комитетининг биринчи котиби этиб сайланди ва ўзи сайланган пленумда сўзлаган нутқида Ўзбекистоннинг Иттифоқда тутган ўрни ва ролини аниқ аниқ белгилаб берди, маданий меросни ва тарих ҳақиқатини тиклаш, миллий анъана ва урф-одатларни ривожлантириш обйектив зарурият эканлигини айтиб ўтди. 24 июнь куни мамлакатнинг сиёсий рахбари Ислом Каримов шундай деди: “Мен сизларни мавжуд оҳволни танқидий баҳолашга ва бундан буён эскича яшаш мумкин эмаслигини англашга чақирмоқчиман. Ҳақиқатдан ҳам, биз энди бундай яшолмаймиз ва бундай яшашга замоннинг ўзи йўл қўймайди”. 1990 йил 24 февраль куни эса Биринчи Президентимиз: “Халқимиз бошига тушган бу ташвишларни чуқур ҳис қилиш, уларни бартараф этиш нақадар мураккаб ва зарур эканини англаш учун кўп нарса керак эмас – безовта юрак керак, очиқ кўз керак”, – дея таъкидлади.

Бу даврда Ўзбекистон ижтимоий-сиёсий ҳаётида жиддий ўзгаришлар, айниқса, жамоат ташкилотларининг фаоллашуви ва сиёсий маданиятнинг кескин кўтарилиши юз берди.

Республикада кадрларни танлаш, жой-жойига қўйиш ва тарбиялаш масалаларида миллий манфаатдорлик устуворлиги таъминланди. Кадрлар сиёсатидаги жиддий ижобий ўзгариш шундан иборат бўлдики, энди Ўзбекистонда партия, совет, давлат, ҳуқуқни ҳимоя қилиш органларининг бошлиқларини Москва орқали ҳал қилиш, Москва белгилаган ҳодимларни кўтариш амалиётига чек қўйилди, бу масалаларни ҳал қилишни республика раҳбарияти ўз қўлига олди. Бу вазиятни чуқур англаган раҳбарнинг жасорати бўлиб, жуда катта сиёсий аҳамият касб этди. Яъни бу сиёсий мутеликдан қутулиш томон ташланган қадам бўлди, десак муболаға бўлмайди.

1990 йил 24-31 март кунлари Тошкентда Ўзбекистон ССР Олий Кенгашининг ўн иккинчи чақириқ, биринчи сессияси бўлиб ўтди. 24 март куни сессия Москванинг тазйиқига қарамасдан, республикалар орасида биринчи бўлиб “Ўзбекистон ССР Президенти лавозимини таъсис этиш тўғрисида” қонун қабул қилинди. Шундай қилиб, Олий Кенгашда яширин овоз бериш йўли билан Ислом Абдуғаниевич Каримов Ўзбекистон Республикаси Президенти этиб сайланди.

                          

1990 йил март ойида келажаги буюк Ўзбекистон давлатининг Мустақиллигимизни янада мустаҳкамлаш ва ютуқларга эришишдаги илк қадамлари ташланди. Ўша пайтдаги иттифоқдош республикалар раҳбарлари орасида Ислом Каримов биринчи бўлиб Ўзбекистон Республикаси президентлигига сайланди. Бу тарихий жараён силсиласи ўлароқ, 1990 йил 20 июнда “Ўзбекистон Республикаси Мустақиллик Декларацияси” ва 1991 йилнинг 31 августида “Ўзбекистон Республикаси Давлат мустақиллиги асослари тўғрисида”ги Қонун қабул қилинди. Тарихнинг зар варақларига муҳрланган 1991 йил 31 август санасидан эътиборан мустақил ватанимиз – Ўзбекистон ўз кучига, эркига, шу билан бирга ўз байроғи, герби, мадҳияси, она тили, миллий валютаси, миллий армияси ва асосий қонуни бўлмиш – Конституциясига эга бўлди. Биринчи Президентимиз ишлаб чиққан “Тараққиётнинг ўзбек модели” ва машҳур беш тамойил бу ютуқларнинг калитидир.

Мустақил Ўзбекистонни ислоҳ қилиш ва ҳуқуқий давлатчилик пойдеворини барпо этиш бўйича қабул қилинган миллий тараққиётнинг “ўзбек модели”ни амалга татбиқ этиш йўлидаги илк қадамлар ҳақида сўз борганда, шак-шубҳасиз, тарихан қисқа муддат ичида Асосий қонунимиз – Ўзбекистон Республикаси Конституцияси ишлаб чиқилгани ва қабул қилинганини эслаш жоиздир. Мамлакатимизнинг янги Конституциясини ишлаб чиқиш зарурлиги ҳақидаги фикр 1990 йил мартда Олий Кенгашнинг ўн иккинчи чақириқ I сессиясида Биринчи Президентимиз Ислом Каримов томонидан ўртага ташланган эди. 20 июн санасида Олий Кенгашининг II сессиясида Мустақиллик Лекларациясида қабул қилинган принциплар асосида давлатнинг янги Конституцияси ишлаб чиқилиши лозим, деган хулосага келинди. Ушбу сессия Президент Ислом Абдуғаниевич Каримов раислигида 64 кишидан иборат Клнституциявий комиссияни тузиш тўғрисида қарор қабул қилди. Ва ниҳоят 1992 йил 8 декабрда ўн иккинчи чақириқ Ўзбекистон Республикаси Олий Кенгашининг ўн биринчи сессиясида Ўзбекистон Республикаси Конституцияси қабул қилинди. Биринчи Президентимизнинг ақл-у фаросати ва теран фикрлаб иш юритиш қобилияти натижасида мустақил давлатимизнинг асосий қонуни қабул қилиниши халқимизнинг ҳуқуқлари кафолатланиб, ҳам ижтимой ҳам сиёсий жиҳатдан равнақ топишида катта аҳамият касб этди.

“Юртимизнинг келажаги, халқимизнинг эртанги куни ва мамлакатимизнинг жаҳон шериклигидаги обрў-этибори, энг аввало фарзандларимизнинг униб-ўсиб, улғайиб, қандай инсон бўлиб ҳаётга кириб боришига боғлиқдир”, дея таъкидлаган эди Ислом Каримов ўзининг “Юксак маънавият – енгилмас куч” асарида. Шунингдек, у ўз фарзандларига ҳардоим шу сўзларни уқтирган: “Болаларим, ҳеч қачон изланишдан, ўрганишдан ва олға интилишдан тўқтаманглар. Ҳеч нарсадан қўрқманглар. Чунки ортингизда мен турибман”.

Ҳардоим Ўзбекистон фарзандларини ўз фарзандларидек севган ва улар учун жонини фидо қилишга ҳам тайёр бўлган Президент бобомиз ҳар бир ёш учун ва уларнинг ҳар томонлама равнақ топиши-ю, порлоқ келажаги учун чексиз шарт-шароитлар яратиб бериб, кенг имконият эшикларини очди. У ҳардоим бизга, яъни Ўзбекистоннинг эртанги келажаги бўлган ёш авлодга ўзидан ҳам кўп ишлниб келган. Ва бугунги кунда Биринчи Президентимиз яратиб берган имкониятларнинг самараси кўз ўнгимизда намоён бўлмоқда. Масалан, Бразилияда бўлиб ўтган 31-Ёзги Олимия ўйинларида Ўзбекистон спортчиларининг жаҳонда тенгсиз ва кучли эканлигини олимпиячиларимизнинг 13 та медални қўлга киритганлигидан билиб олишимиз мумкин. Шунингдек, спортчиларимизнинг Паралимпия ўйинларида киритган 31 та медаллар шодаси Ўзбекистондаги спортга қаратилаётган катта этибордан далолат беради. 

Юртимизда ўсиб келаётган ёш иқтидор эгаларинининг қобилиятини ривожлинтириш, ижодий ва интеллектуал салоҳиятини рўёбга чиқариш мақсадида “Истеъдод” жамғармаси, олдинги “Камолот” ЁИҲ ва бошқа форум ва жамғармалар, шунингдек, қобилиятли қизлар учун “Зулфия” номидаги давлат мукофоти, “Ниҳол” мукофоти, “Ўзбекистон белгиси” кўкрак нишони, Президент ва бошқа номдор стипендиялар, танлов ва фестиваллар – барча-барчаси иқтидорли ёшларнинг юксак марралар сари интлишларига, ўз қобилиятини юзага чиқаришларига кенг имкониятлар эшигини очиб берди. Ислом Каримов ўзи барпо этган боғнинг бағрида ўнаётган ёш ниҳолларнинг эртанги кунида мустаҳкам дарахтга айланиши учун ўз куч-ғайратини сафарбар этдилар ва керак бўлса, ўз жонини ҳам беришга тайёр турдилар. Ислом Каримовнинг яратган ҳар бир асарида ҳам мамлакатимизнинг келажагига бўлган чексиз эътиборни кўришимиз мумкин. Албатта, бу муваффақиятлар, зафарлар ва юксак натижалар Биринчи Президентимизнинг бизга бўлган ишончининг амалдаги натижасидир.

Ўзбекистоннинг Биринчи Президенти Ислом Каримов фаолиятида ташқи сиёсий, мамлакатлар ва халқлар ўртасида ишончли ҳамкорликни ўрнатиш, халқаро эътироф этилган тамойил ва нормаларга амал қилиш доимо муҳим аҳамият касб этган. Дунёнинг йирик сиёсатчилари, давлат раҳбарлари, халқаро экспертлар Ислом Каримовнинг мафкуравий собитқадамлиги, сиёсий сергаклиги ва дунёда содир бўлаётган воқеа-ҳодисаларни чуқур таҳлил қилиш ва ундан тўғри хулоса чиқариш каби сифатларини доимо қадрладилар ва этироф этдилар.

Россия Федерацияси Президенти Владимир Путин ўз мактубида Ислом Каримовка қуйидаги фикрларини қуйидагича баён этадилар:

“Муҳтарам Ислом Абдуғаниевич,

Россия ва Ўзбекистон ўртасидаги иттифоқчилик ва сиратегик ҳамкорлик муносабатларини мустаҳкамлашда Сизнинг улкан шахсий ҳиссангиз борлигини алоҳида таъкидламоқчиман.

Икки томонлама алоқаларимизнинг бутун тизимини, минтақавий ва халқаро ишларда конструктив ҳамкорликни янада жадал, комплекс равишда ривожлантириш бўйича дўстона мулоқотиимзни, яқин ҳамкорликдаги фаоиятимизни давом эттирамиз, деб умид қиламан”.

                               

2016 йил 2 сентябрь буткул Ўзбекистон халқининг отаси ва суянар тоғи бўлган, Ўзбекистон Республикаси Биринчи Президенти Ислом Каримов сўнгги манзилга кузтилди. Бу оғир жудолик бироз муддат халқимизнинг руҳини чўктирди...

Мустақил Ўзбекистоннинг Биринчи Президенти, истиқлол меъмори Ислом Абдуғаниевич Каримов замонамизнинг улуғ сиёсатчиси, юритимиз тинчлиги, ватанимиз равнақига катта ҳисса қўшганшахс сифатида нафақат Ўзбекистон, балки жаҳон тарихида ҳам ўчмас из қодирди.

2016 йил 20 октябрда бўлиб ўтган Тадбиркорлар ва ишбилармонлар ҳаракати – Ўзбекистон либерал-демократик партиясининг VIII съездида Шавкат Мирзиёев ўзининг “Демократик ислоҳотларни изчил давом эттириш, халқимиз учун тинч ва осойишта, муносиб ҳаёт даражасини яратиш – барқарор тараққиёт кафолатидир” номли маърузаларида қуйидаги фикрларни айтдилар:

“...Бутун дунёда таҳликали вазият, миллатлараро тўқнашувлар, сиёсий ва иқтисодий инқирозлар ҳамда турли хавф-хатарлар авж олган даврда Ислом Каримовнинг мамлакатимизга раҳбарлик қилгани Яратганнинг халқимизга кўрсатган бебаҳо марҳамати бўлди”.

Бугунги кунда Ислом Каримов барпо этган ва меърос этиб қолдирган келажаги буюк    юрт – Ўзбекистонни Президентимиз Шавкат Мирзиёев кучли тафаккур ва салоҳият ила бошқариб келмоқда. Бу эса “Оллоҳнинг назари тушган” Ўзбекистон халқининнг катта бойлиги ва чексиз бахтининг номоёндасидир. 

   

         

          

Динора БЕГДУЛЛАЕВА

Қорақалпоқ давлат университети қошидаги

академик лицейнинг 2-босқич ўқувчиси